Për shkak të mungesës së kuorumit, gjegjësisht mos ardhjes së tre këshilltarëve të koalicionit qeverisës, sot nuk është mbajtur mbledhja e Kuvendit komunal të Ulqinit.
Është lajmëruar që mbledhja në të cilën do të diskutohet për plotësimin e Planit të objekteve të përkohshme për vitin 2014 dhe Draftit të Planit hapësinor urbanistik të Komunës do të mbahet nesër.
Më herët është lajmëruar që propozuesi, kryetari i komunës Fatmir Gjeka, ka tërhequr Propozimin e Vendimit për lirimin e pagesës së kompensimit për vendosjen e objektit të përkohshëm akva park.