Në kuadër të Festivalit tradicional të dramës amatore, mbrëmë në Bijello Polje u mbajt shfaqja “Servantes dhe Dulçinea”.
Ky realizim tanimë shumë i afirmuar teatral, në regji të Munib Abazit, i mahniti të pranishmit në sallën e Qendrës për kulturë të këtij qyteti.
Juria e publikut për rolin më të mirë femër në shfaqjen “Servantes dhe Dulçinea” përzgjodhi Flutur Mustafen, ndërsa roli më i mirë mashkull u zgjodh Shefqet Luca.
Në këtë manifestim, i cili mbahet për të 44 herë me radhë, do të luhen tetë drama, ndërsa festivali ka karakter garues.